ప్రచురించబడిన తేది : 15-Nov-21

శ్రీమతే రామానుజాయ నమ:

--ఆస్తికుడు నాస్తికుడు మద్య సంక్రాంతి చర్చ--

ఆస్తికుడు: "సంక్రాంతి శుభాకాంక్షలు రా"
నాస్తికుడు: "ఏంది రా ఈ సంక్రాంతి లొల్లి"
ఆస్తికుడు: "గొబ్బెమ్మలు,భొగి మంటలు,రంగవల్లులు,ఆడపడుచులు,గంగిరెద్దులు,హరిదాసులు.
చక్కినాలు,అరిసెలు,కర్జకాయలు,కారప్పూసలు"
నాస్తికుడు: "చెల్ ,పండగంటె తిండేనార బూకరోడ,అసలు సంక్రాంతి ఎందుకొ చెప్పు"
ఆస్తికుడు: "పైనున్న నింగిలొ రాశులు పన్నెండు
కుంటి సారధి తోని వస్తడంట ఆ రేడు"
నాస్తికుడు: "ఎవల్రా?"
ఆస్తికుడు: "సూర్యుడెహె!"
"మేక రాశి కొచ్చి ,పంటలన్నీచేతికిచ్చి ,పరమాన్నం తింటడంట"
నాస్తికుడు:"అహా ఇంకా"
ఆస్తికుడు:" ఏంకన్నాసామి లేచి,భక్తులను చూస్తడంట ,ఆండాళ్ళు అమ్మతోని లగ్గమెట్టుకుంటడంట"
నాస్తికుడు:"అబ్బోఅయినా నేను దేవుడిని నమ్మ కదా,నాకెందుకీ లొల్లి"
ఆస్తికుడు:"కాలమంత కష్టం తో,చెమట నీటి చుక్కలతో
కరకు కండలు కరగించి,పండించిన పంట చూసి
అన్నదాత మొఖమున నవ్వు చూసే రోజు"

"ఎండుగడ్డి,చెరుకుముక్క,మామిడాకు,ఆవుపేడ,
మనిషి మంచికిమచ్చుతునకలు ,
ఆనందపువెలుగు రేఖలు ,
రాజుకైన ఆకలి తీర్చె, రైతన్నకు శిరసువంచి
పసిడి పంటలనిచ్చె భూమి తల్లికి నమస్కరించి
ప్రకృతిని ప్రేమించేప్రతి మనిషి కళ్ళల్లొవెలిగేదేఈ కాంతి
ప్రశ్నలన్ని పక్కనెట్టి నలుగురితొ చేసుకోర సంక్రాంతి"

నాస్తికుడు:"అట్లనా! సమజైంది. అయితే నీకు కూడ సంక్రాంతి శుభాకాంక్షలు రా "